Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë vizitës në Pekin, ministri i Financave të Francës, Bruno Le Maire ka deklaruar se shkëputja e të gjitha lidhjeve ekonomike me Kinën, është iluzion. Ai ka shtuar më tutje se nuk ka mundësi që të ketë ndonjë shkëputje në mes të ekonomive amerikane, evropiane dhe kineze. Ministri, Bruno Le Maire e ka mbrojtur ambicien e Francës për t’u bërë më e pavarur në disa sektorë, por ka shtuar se koncepti i uljes së rrezikut – që është bërë fjalë kyçe muajve të fundit në Perëndim nuk nënkupton se Kina përbën rrezik. “Ulja e rrezikut nënkupton se ne duam të jemi më të pavarur… ne nuk duam të jemi në pikën që kemi qenë gjatë pandemisë së koronavirusit, ta kuptojmë se jemi tejet të varur nga disa komponentë”, ka shtuar ai, duke i përmendur mikroçipat si një prej shembujve” është cituar të ketë thënë mes tjerash ministri i Financave të Francës, Bruno Le Maire, njofton Radio Evropa e Lirë.
