Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I sh-anëtari i Lëvizjes Vetëvendosje, Dardan Sejdiu, ka reaguar ashpër ndaj Qeverisë së Kosovës të udhëhequr nga Albin Kurti, pas vendimit për ndarjen e 100 eurove për studentët, vetëm pak ditë para zgjedhjeve të 28 dhjetorit. Sejdiu e ka cilësuar këtë veprim si mashtrim të pastër elektoral, duke theksuar se Kryeministri Kurti po i përdor taksat e qytetarëve për të blerë mbështetje politike në prag të procesit zgjedhor. Sipas tij, paratë që po shpërndahen nuk duhet konsideruar si dhuratë, por si mjete publike që po përdoren si “karrem” për vota. Në një postim në rrjetet sociale, Sejdiu ka shkruar: “Bankomati i Kurtit s’është ‘dhuratë!’ Janë taksat tona që po na kthehen si karem e mashtrim elektoral. Nëse as kjo s’të bën përshtypje, problemi s’është buxheti. Është standardi i ulët që e kemi normalizuar.” Ky reagim vjen në një moment kritik, ku qytetarët po vlerësojnë masat e fundit të Qeverisë para zgjedhjeve, ndërsa opozita akuzon për instrumentalizim të mjeteve publike në interes politik.
