Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në seancën gjyqësore të mbajtur ndaj të akuzuarit për krime lufte, Sllagjan Trajkoviq, janë dëgjuar dëshmitë e dy dëshmitarëve kryesorë, Avni Selimi dhe Avni Melenica. Trajkoviq akuzohet për vrasje, torturë, dëbime, dhe trajtime çnjerëzore ndaj civilëve shqiptarë gjatë viteve 1998-1999 në Komunën e Vushtrrisë. Avni Selimi, në dëshminë e tij, përshkroi krimet e forcave serbe në fshatin Reznik dhe përmendi vrasjen e H.S., për të cilën tha se sipas babait të tij, përgjegjës ishte i akuzuari Trajkoviq. Dëshmitari tjetër, Avni Milenica, rrëfeu për rrethimin dhe deportimin e civilëve shqiptarë nga forcat jugosllave më 22 maj 1999. Ai përshkroi brutalitetin e ushtarëve në kordonin që kishte formuar njësia speciale dhe identifikoi të akuzuarin Trajkoviq si një prej personave që kishte ushtruar dhunë, duke e parë atë të armatosur me kallashnikov dhe duke goditur njerëz me një objekt metalik. Milenica tregoi se shumë nga personat e deportuar atë ditë, përfshirë 68 viktima, u gjetën më vonë në varreza masive në Batanicë, ndërsa një vajzë mbetet ende e zhdukur. Seancat e radhës ndaj Trajkoviq është planifikuar për muajin dhjetor.
