Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetët e opozitës kanë tërhequr vërejtjen se ndërmarrja publike “Trepça”, është në gjendje tejet të vështirë dhe se tani e tri vite, punëtorët e saj kanë punuar pa kursime pensionale, pasi atyre nuk iu është paguar Trusti. Deputeti i Partisë Demokratike të Kosovës, Ferat Shala ka deklruar për “Ekonomia Online” se ka dhjetëra miliona euro që ka obligime ndaj KPMM-së dhe Trustit. Përkundër rritjes së çmimeve në berz ndërkombëtar do të duhej të ishte favorizuese për ndërmarrjen Trepça dhe institucionet e shtetit. Kemi një neglizhencë totale të Qeverisë në raport me Trepçën dhe nuk kemi asnjë veprim konkret sa i përket projekteve zhvillimore dhe stabilitetit afat gjatë të Trepçës” ka theksuar deputeti, Ferat Shala. Edhe deputeti nga radhët e Aleancës për Ardhmërinë e Kosovës, Pal Lekaj ka vlerësuar se gjendja në këtë ndërmarrje është shumë e rëndë. Ai ka theksuar se “aksionar i Trepçës është Qeveria dhe mendoj që duhet të zhvillohet dhe të trajtohet më ndryshe e sidomos kjo Qeveri që ka ardhur me premtime që do të bëjë zhvillimin e Trepçës. Duhet të ndryshohet gjendja dhe Qeveria të marrë përgjegjësi si t’i qaset zhvillimit të Trepçës”.
