Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Hykmete Bajrami, e konsideron të dështuar menaxhimin e krizës së inflacionit nga Qeveria e Kosovës. Në një intervistë për gazetën Nacionale, Bajrami e cilësoi qasjen e ekzekutivit si një “dështim monumental” të shoqëruar me apati dhe indiferencë, duke akuzuar qeverinë për transferimin e pasurisë nga qytetarët në arkën e shtetit. Bajrami theksoi se narrativat për rritjen ekonomike dhe buxhetin janë një iluzion i krijuar nga rritja nominale, e ndikuar negativisht nga inflacioni. Ajo kritikoi investimet kapitale, duke i cilësuar ato si më të ulëtat që nga shpallja e pavarësisë. Bajrami argumentoi se indikatorët tregojnë një formalizim të pamjaftueshëm, ndërsa migrimi i fuqisë punëtore dhe rritja e deficitit tregtar përgënjeshtrojnë mbështetjen e qeverisë ndaj bizneseve vendore. Deputetja e LDK-së gjithashtu fajësoi qeverinë për mungesat në furnizimin me energji elektrike dhe përkeqësimin e klimës për investitorët përmes deklaratave që nxisin pasiguri.
