Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
As dje në takimin e fundit në Bruksel, kryenegociatorët e Kosovës dhe Serbisë nuk kanë gjetur zgjidhje për çështjen e dinarit. BE-ja nuk ka dhënë detaje nëse zgjidhja e kësaj çështjeje është parakusht për takimin mes liderëve, pasi ekziston një presion për implementimin e marrëveshjes bazike. Duke paraqitur qëndrime të ndryshme dhe me gjasat për një pajtim të ulët për këtë çështje, takimi mes liderëve vlerësohet si i domosdoshëm, jo vetëm për dinarin, por edhe për përmbushjen e detyrimeve të tjera të marrëveshjes së arritur. Sipas ekspertit të marrëdhënieve ndërkombëtare, Akri Çipa edhe pse Kurti dhe Vuçiq nuk kanë takuar njëri-tjetrin që prej shtatorit të kaluar, një takim i tyre për të adresuar vetëm çështjen e dinarit nuk do të ishte i mjaftueshëm për të zgjidhur problemet e mëdha mes dy vendeve.
