Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për të nëntën herë radhazi, Kuvendi i Kosovës ka dështuar të konstituohet, pasi edhe në seancën e së enjtes, më 1 maj 2025, nuk u arrit konsensus për zgjedhjen e kryetarit të Kuvendit. Në këtë seancë, kryesuesi Avni Dehari propozoi që votimi për kryeparlamentarin të zhvillohej në mënyrë të fshehtë, por propozimi nuk kaloi. Kjo bllokoi sërish përparimin e procesit të konstituimit të Kuvendit. Ndryshe nga seancat e kaluara, kësaj radhe Lëvizja Vetëvendosje – partia fituese e zgjedhjeve – nuk paraqiti ndonjë kandidat për postin e kryetarit të Kuvendit, duke shtuar paqartësitë dhe tensionet politike. Ky dështim i radhës ndodh në një klimë të përkeqësuar politike, ku partitë opozitare kanë shprehur shqetësime të thella për mënyrën si po menaxhohet procesi dhe kanë paralajmëruar mundësinë e zgjedhjeve të reja në mungesë të një marrëveshjeje.
