Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka dështuar edhe seanca e 52-të për konstituimin e Kuvendit të Kosovës, pasi nuk u arrit kuorumi për themelimin e komisionit zgjedhor për votimin e fshehtë, për të cilin këmbënguli Lëvizja Vetëvendosje. Kryesuesi i seancës, Avni Dehari, ftoi përsëri partitë e ish-opozitës që të propozojnë anëtarë për këtë komision. Megjithatë, PDK, LDK dhe AAK refuzuan të bëjnë propozime, duke kërkuar që të kalohet në rendin e ditës dhe të votohet për kryetarin e Kuvendit. Pavarësisht kësaj, komisioni u hodh në votim, por vetëm 54 deputetë morën pjesë, numër që nuk mjaftoi për miratimin e tij. Dehari njoftoi se seanca e radhës do të mbahet nesër në orën 14:00, duke rikujtuar se afati i përcaktuar nga Gjykata Kushtetuese për konstituimin e Kuvendit përfundon në mesnatë, para se të hyjë në fuqi masa e përkohshme dyjavore për pezullimin e punës së deputetëve.
