Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dhoma e Tregtisë dhe Industrisë së Kosovës, i ka dorëzuar Qeverisë një kërkesë zyrtare për shtyrjen e procesit të liberalizimit të tregut energjetik, duke e cilësuar atë të shoqëruar me shkelje të shumta. Drejtori ekzekutiv i DHTIK-së, Kushtrim Ahmeti, deklaroi para objektit të Qeverisë se shumë biznese po përballen me njoftime kërcënuese për ndërprerje të energjisë më 30 korrik, ndonëse nuk kanë pranuar ende fatura për muajt qershor dhe korrik. Sipas Zyrës së Rregullatorit për Energji, afati i furnizimit nga Korporata Energjetike e Kosovës (KEK) si Furnizues i Mundësisë së Fundit përfundon më 30 korrik, duke e bërë urgjente zgjidhjen e situatës për bizneset që rrezikojnë të mbeten pa energji.
