Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, në një intervistë për portalin serb,“N1”, ka thënë se nuk dëshiron të jetë ndërmjetës në bisedimet mes Kosovës e Serbisë, ndërsa ka pranuar se çështja e Kosovës vazhdon të mbetet pengesa më e madhe në përparimin e marrëdhënieve mes dy shteteve. “Do të jem shumë i drejtpërdrejtë, kjo është një situatë me të cilën, pikë së pari, duhet të ballafaqohen Prishtina dhe Beogradi. Shqipëria nuk mbron e as nuk favorizon askënd, dhe mundohem që kur flas për paqen dhe për procesin e pajtimit të merret si shembull. Ato që i them edhe i kthej në vepra, por nuk ekziston ndonjë mënyrë që të veproj në vend të Qeverisë në Prishtinë apo në ndonjë mënyrë të pengojë rolin e tyre në tërë këtë çështje. Atë që ju e konsideroni krahinë, për ne është shtet. Kosova është shtet i pavarur të cilin ne e vlerësojmë… jemi një komb një popull, por Kosova është shtet, ka nënvizuar Rama, në intervistën e tij.
