Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, është në rrugë për të siguruar mandatin e tij të katërt, teksa rezultatet paraprake të zgjedhjeve parlamentare të mbajtura të dielën tregojnë një epërsi të ndjeshme të Partisë Socialiste. Sipas agjencisë ndërkombëtare të lajmeve “Reuters”, me 30% të votave të numëruara, PS ka marrë 53% të tyre, duke lënë pas Partinë Demokratike të udhëhequr nga ish-kryeministri Sali Berisha me 34%. Rama, në pushtet që prej vitit 2013, shihet si favorit për të vijuar qeverisjen, i mbështetur nga një rrjet i fuqishëm politik dhe një periudhë e rritjes së qëndrueshme ekonomike. Ndërkohë, fushata e tij është fokusuar fort në premtimin për anëtarësimin e Shqipërisë në Bashkimin Evropian deri në vitin 2030 – një objektiv që ekspertët e konsiderojnë ambicioz. Reuters vë në dukje se një fitore e mundshme do të konfirmonte popullaritetin e Ramës brenda vendit, pavarësisht polemikave të mandatit të tretë, përfshirë tensionet me opozitën dhe disa skandale korrupsioni. Zgjedhjet e këtij viti shënuan gjithashtu një moment historik me përfshirjen për herë të parë të rreth 200 mijë shqiptarëve të diasporës në votim.
