Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka bërë thirrje publike për të vizituar një nga thesaret historike të jugut – Kalanë e Himarës, një monument me vlera të mëdha arkeologjike dhe kulturore. Në një video të shpërndarë në rrjetet sociale, ai e cilëson këtë kala si “xhevahirin e rivierës shqiptare”, duke nënvizuar rëndësinë e saj në historinë e lashtë dhe në zhvillimin e turizmit kulturor. Kalaja, që daton që nga shekulli i IV para erës sonë, është ndërtuar nga fisi ilir i Kaonëve dhe ka përjetuar pushtime të shumta përgjatë shekujve – nga romakët e deri tek osmanët – por ka mbetur gjithmonë simbol i qëndresës dhe krenarisë lokale. Rrugicat e saj të gurta, muret madhështore dhe kishat e lashta i japin kalasë vlera të pakrahasueshme për vizitorët që kërkojnë më shumë se plazhe e diell. Nga maja e saj, ofrohen panorama mbresëlënëse të qytetit të Himarës, vijës bregdetare dhe maleve që e rrethojnë, duke e kthyer këtë vend në një atraksion të gjithanshëm për turistët vendas dhe të huaj. Ftesa e kreut të qeverisë vjen në kuadër të promovimit të turizmit të qëndrueshëm dhe ruajtjes së trashëgimisë kulturore shqiptare.
