Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eksperti amerikan i Ballkanit Perëndimor dhe ligjërues në Universitetin “Johns Hopkins”, Edward P. Joseph, ka deklaruar se kushti kryesor për stabilitet të qëndrueshëm në Ballkanin Perëndimor është pranimi i rendit perëndimor nga Serbia dhe orientimi i saj drejt NATO-s, paralelisht me Kosovën. Duke dëshmuar para Kongresit Amerikan dhe në një intervistë për gazetën boshnjake Avaz, Joseph tha se rajoni mbetet i paqëndrueshëm pavarësisht ndikimit të madh të SHBA-së, BE-së dhe NATO-s, për shkak se Serbia ende nuk i ka pranuar plotësisht pasojat e luftërave të viteve ’90 dhe vazhdon të mbajë lidhje të forta me Rusinë. Sipas tij, SHBA-ja, veçanërisht nën administratën Trump, ka mundësi reale ta shtyjë Beogradin drejt një orientimi strategjik perëndimor, përfshirë largimin e ndikimit rus nga sektori energjetik dhe angazhimin për anëtarësim në NATO. Joseph theksoi se anëtarësimi i Kosovës dhe Serbisë në NATO do ta mbyllte “dramën e papërfunduar të shpërbërjes së Jugosllavisë”, do të ndryshonte marrëdhëniet e Serbisë me fqinjët dhe do të sillte stabilitet afatgjatë në rajon.
