Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Angazhimi si Zyrtar për Diasporë në kuadër të Ambasadës së Kosovës në Australi dhe në shtete të tjera
Platforma e idesë / programi i punës – Çështjet kulturore
Duke qenë aktivist shumëvjeçar i komunitetit shqiptar, Kryetar i Komunitetit Shqiptaro-Australian për një pjesë të shtetit të Viktorias dhe në hapjen e një programi të radios në gjuhën shqipe në Australi, si dhe njohës i mirë i çështjeve të diasporës dhe komunitetit shqiptar – punës, vështirësive, arsimimit, integrimit, potencialit ekonomik dhe intelektual të mërgimtarëve tanë – mendoj se nevoja për një Zyrtar për Diasporë në kuadër të ambasadës sonë për Australi, Zelandën e Re dhe disa shtete ku jeton mërgata është më se e domosdoshme.
Si staf lokal i punësuar në ambasadë dhe aktivist për një kohë të gjatë i komunitetit shqiptar, me kontribut të çmuar në organizimin, avancimin dhe përfaqësimin e të drejtave të mërgimtarëve tanë, me kualifikime adekuate arsimore dhe njohuri të sistemit, gjuhës dhe kulturës australiane, besoj se emërimi im si Zyrtar për Diasporë në kuadër të ambasadës do të ndikonte në:
-
Përmirësimin, avancimin dhe integrimin më të mirë të diasporës tonë në sistemin shoqëror të Australisë;
-
Forcimin e lidhjeve me atdheun;
-
Organizimin më të mirë të komunitetit shqiptar në nivel të shoqatave dhe asociacioneve kulturore, biznesore dhe edukative.
Disa pika të programit që do të implementoheshin nga Zyrtari për Diasporë:
-
Bashkëpunim i ngushtë me shoqatat e komunitetit për një organizim të mirëfilltë dhe efikas, përmes së cilave shoqatat do të mund të adresojnë dhe realizojnë të drejtat dhe programet e komunitetit.
-
Në bashkëpunim me ambasadën dhe komunitetin, organizimi i shkollës shqipe dhe sigurimi i literaturës nga Kosova për nxënësit. Organizimi dhe realizimi i programeve të ndryshme kulturore dhe sportive, që kanë për qëllim forcimin e lidhjes mes bashkatdhetarëve.
-
Planifikimi dhe organizimi i programeve arsimore shkëmbyese për nxënësit dhe studentët e diasporës (gjenerata e re që ka lindur në Australi, Zelandën e Re dhe shtetet e tjera), me qëllim familjarizimin e tyre me historinë, kulturën dhe traditën shqiptare, duke parandaluar asimilimin e tyre.
-
Diplomacia ekonomike: organizimi i bizneseve me pronar shqiptar në një asociacion apo klub biznesor, zhvillimi i konferencave për promovimin e mundësive që ofron Kosova për investime dhe për eksportin e produkteve kosovare në tregun australian, të Zelandës së Re dhe shteteve të tjera. Përmes partnerëve të tyre biznesorë, hulumtimi i mundësisë së gjetjes së investitorëve australianë, nga Zelandë e Re dhe shtete të tjera, që mund të kenë interes për investime në fusha të ndryshme të industrisë.
Këto janë disa fusha në të cilat unë mund të kontriboja si staf lokal nga pozita e Zyrtarit për Diasporë në kuadër të ambasadës tonë në Australi.
Ju faleminderit.
Me respekt,
29 Gusht 2025
Mr. Ekrem Alija
Australi
Shtetet ku është e nevojshme të punësohen Zyrtarë për Diasporë nga MPJD:
-
SHBA
-
Angli
-
Kanada
-
Gjermani
-
Zvicër
-
Austri
-
Australi dhe Zelandë e Re (Zyrtari do të përfaqësojë këto dy shtete)
