Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohësit e ekonomisë kanë shprehur kritika të ashpra ndaj Qeverisë së Kosovës, të udhëhequr nga Albin Kurti, për gjendjen e vështirë ekonomike në të cilën po kalojnë qytetarët. Agim Shahini, kryetar i Aleancës Kosovare të Bizneseve, ka theksuar se Kosova është ndër vendet më të varfra në Evropë dhe situata e tanishme është rezultat i dështimeve ekonomike të qeverisë. Shahini ka thënë se “ne jemi edhe të varfër, edhe të vjedhur, edhe të izoluar,” duke nënvizuar rastet e korrupsionit dhe mungesën e dialogut të qeverisë me bizneset. Sipas Shahinit, sanksionet ekonomike nga Bashkimi Evropian kanë ndaluar projekte me vlerë prej 405 milionë eurosh, përfshirë ngrohjen qendrore në Prishtinë dhe rritjen e kapaciteteve për energji solare. Ekspertët kanë vlerësuar se vendimet e fundit të qeverisë në lidhje me pagat dhe masat ekonomike nuk kanë sjellë përmirësime të prekshme në jetën e qytetarëve.
