Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i Kadri Veselit, Ben Emerson është shprehur i indinjuar për shkak se klienti i tij ka më shumë se dy vite në paraburgim, dhe ende ish-gjyqtari i Procedurës Paraprake, tani Trupi Gjykues nuk po vendosin për mbrojtjen në liri të tij. Në një parashtresë, formë kundërpërgjigje ndaj Prokurorisë, Emmerson ka rikujtuar dispozitat e Gjykatës Evropiane për të Drejtat e Njeriut, e cila sipas Emmerson thekson se graviteti i veprës së supozuar nga organi i akuzës si dhe kohëzgjatja e mundshme e dënimit, nuk ndërlidhet, apo nuk është bazë e mjaftueshme për të vazhduar paraburgimin. “Së pari, sa i përket pretendimit se z. Veseli akuzohet për dhjetë pika, Mbrojtja rikujton jurisprudencën e GJEDNJ-së sipas së cilës, me kalimin e kohës, graviteti i veprës së supozuar dhe kohëzgjatja e mundshme e dënimit nuk janë bazë e mjaftueshme për të vazhduar paraburgimin”, thekson Emmerson. Kadri Veseli s’ka të bëj asgjë me kompleksitetin e çështjes, pasi që kjo determinohet nga Prokuroria. Ai nuk mbanë asnjë përgjegjësi pse Prokuroria ka vendosur të mbështetet në 300 dëshmitarë e 18 mijë faqe prova të pretenduara.
