Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish kryetari i Gjykatës Kushtetuese të Kosovës, Enver Hasani, ka vlerësuar se kërkesa e presidentes Vjosa Osmani për masë të përkohshme dhe sqarim të afatit 30-ditor për konstituimin e Kuvendit është “qartazi e pabazuar” dhe e papranueshme për Kushtetuesen.
Në një intervistë për Radion Evropa e Lirë, Hasani theksoi se Gjykata do të marrë vendim mbi këtë çështje bazuar në kërkesat e deputetëve të dy partive politike dhe jo mbi kërkesën e presidentes. Ai shtoi se konstituimi i Kuvendit pas skadimit të afatit nuk e bën automatikisht procesin jokushtetues, pasi vetëm Kushtetuesja ka të drejtën të vlerësojë kushtetutshmërinë.
Presidentja Osmani iu drejtua më 22 korrik Kushtetueses për sqarim lidhur me pasojat juridike nëse Kuvendi nuk konstituohet deri më 26 korrik dhe kërkoi pezullimin e afatit 30-ditor.
Deputetët e Kuvendit do të mblidhen të premten për të konstituar legjislaturën e re për herë të 52-të.
