Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ministri i Jashtëm Enver Hoxhaj, ka kritikuar qeverinë e Kosovës për trajtimin e vendit në arenën ndërkombëtare dhe menaxhimin e sanksioneve të Bashkimit Evropian. Hoxhaj tha se Bashkimi Evropian ka qenë i padrejtë ndaj Kosovës dhe se heqja e sanksioneve është rezultat më shumë i veprimeve të opozitës dhe ndikimit të kryeministrit shqiptar, Edi Rama, sesa i qeverisë aktuale. Ai tha se Kurti dhe ekzekutivi i tij nuk kanë pasur kontribut real në këtë proces dhe se vendimet janë marrë vetëm pas insistimit të Ramës gjatë Samitit Ballkan–BE. Hoxhaj shtoi se gjatë këtyre javëve Kosova ka humbur rëndësinë rajonale dhe evropiane, duke përfshirë dështimin në Këshillin e Evropës dhe ndërprerjen e dialogut strategjik me SHBA-të. Ai theksoi se vendi nuk ka arritur të përmbushë pritjet për njohje ndërkombëtare dhe se tri njohjet e fundit nuk lidhen me meritat e qeverisë aktuale. Sipas Hoxhajt, kjo periudhë përbën një nga momentet më të ulëta për Kosovën në skenën ndërkombëtare, duke nxjerrë në pah nevojën për veprime më strategjike dhe koordinim politik për të ruajtur relevancën dhe sigurinë e vendit.
