Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Kuvendit të Kosovës, Enver Hoxhaj, ka theksuar se është e domosdoshme që kjo qeveri të arrijë fundin e mjerimit të vet politik për të kuptuar realitetin dhe të vërtetën. Situata e krijuar është reflektuar gjatë viteve të fundit, por është bërë edhe më e dukshme këtë javë me dy ngjarje kryesore. Gjatë vizitës së presidentes së Komisionit Evropian, Ursula von der Leyen, Kryeministri Kurti i kërkoi heqjen e sanksioneve të BE-së dhe statusin e kandidatit për anëtarësim në BE për Kosovën. Sipas Hoxhajt, zonja Leyen nuk i është përgjigjur këtyre kërkesave, duke theksuar se sanksionet mbeten në fuqi dhe që statusi i kandidatit për Kosovën nuk do të shqyrtohet. Ngjarja e dytë përfshin dokumentin strategjik të BE-së të quajtur “Agjenda e Reformave,” i cili sipas Hoxhajt ka hequr termin “anëtarësim” për Kosovën, ndërsa e ka përfshirë atë për vendet e tjera të Ballkanit.
