Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli nga KDI ka reaguar ndaj deklaratës së kryetarit të Kuvendit, Dimal Basha, se seanca konstituive është përmbyllur edhe pse nuk është zgjedhur nënkryetari i pestë nga komuniteti serb. Sipas tij, ky është një “shpikje” e kryeparlamentarit dhe nuk ka asnjë vlerë juridike. “Seanca konstituive nuk mund të konsiderohet e përmbyllur pa zgjedhjen e të gjithë nënkryetarëve. Nuk mund të ketë zhvillim të procedurave parlamentare, ushtrim funksionesh apo rrjedhje të afateve kushtetuese. Konstatimet e fundit të Kryetarit nuk kanë asnjë vlerë juridike”, ka shkruar Cakolli. Ai theksoi se kriza aktuale mund të zgjidhet vetëm nga Gjykata Kushtetuese, ose përmes konstatimit të dështimit të konstituimit të Kuvendit brenda afatit 30-ditor, ose me shpalljen e pavlefshme dhe përsëritjen e votimit për nënkryetarët e komuniteteve. Cakolli e quajti situatën “absurde” dhe shtoi se deputetët e kësaj legjislature nuk i meritojnë pozitat që mbajnë. Megjithatë, kryeparlamentari Basha ka thirrur një mbledhje të re për të hënën, edhe pa u bërë konstituimi i plotë i Kuvendit.
