Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori amerikan në Kosovë, Jeff Hovenier, ka bërë të ditur se FBI-ja po heton sulmin terrorist në kanalin e Ibër-Lepencit. Ai theksoi se Shtetet e Bashkuara kanë sjellë mbështetjen e FBI-së për të ndihmuar organet e Kosovës në identifikimin e përgjegjësve dhe për të siguruar një hetim të besueshëm e të plotë. Kurrë nuk është ide e mirë që ambasadorët të flasin për hetimet e zbatimit të ligjit, por gjithçka që mund të them është se hetimet po vazhdojnë pandërprerë dhe ende nuk kemi përfundime për përgjegjësit e këtij sulmi, deklaroi ai. Hovenier shtoi se pas përfundimit të hetimeve dhe zbardhjes së të vërtetës, Amerika do të bashkëpunojë me autoritetet e Kosovës për të siguruar që kriminelët të përballen me drejtësinë.
