Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Ferat Shala, ka hedhur poshtë si të pabazuara deklaratat e ministrit në detyrë të Financave, Punës dhe Transfereve, Hekuran Murati, për një “rritje historike” të pagës mesatare në sektorin privat. Qeveria nuk ka kontribuar as praktikisht e as strategjikisht në përmirësimin e kushteve në sektorin privat. “Qëndrimet e ministrit nuk qëndrojnë. Qeveria nuk ka bërë asgjë për sektorin privat. Murati nuk ka përdorur asnjë parametër shkencor apo ekonomik, madje ka injoruar ndikimin e inflacionit,” tha Shala. Ai ngriti edhe pyetje të drejtpërdrejta në lidhje me gjendjen në sektorin publik, për të cilin ministri është përgjegjës drejtpërdrejt, duke vënë në dyshim koherencën e deklarimeve të tij. “Si është gjendja në sektorin publik, kur ai e menaxhon? Si u rritën pagat në një kohë me deficit tregtar të thelluar, papunësi të lartë, ikje të të rinjve dhe rritje të çmimit të energjisë?”, pyeti Shala.
