Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Ferat Shala, ka kritikuar ashpër rritjen e çmimeve të energjisë elektrike, duke e cilësuar atë si selektive dhe të dëmshme për qytetarët. Ai tha se kjo është hera e tretë që çmimet rriten brenda një mandati të vetëm të Qeverisë Kurti, e cila sipas tij ka braktisur premtimet për ulje të tarifave dhe kontroll publik.
Shala theksoi se qeveria po favorizon kompanitë private si KEDS, KESCO, GEN dhe NOA, ndërsa qytetari i zakonshëm po përballet me kosto gjithnjë e më të larta.
Ai ngriti shqetësimin për monopolizimin e importit të energjisë dhe për ofertat që bizneset kanë marrë, të cilat janë deri në 225% më të shtrenjta se çmimet në tregjet ndërkombëtare.
Sipas Shalës, shumë biznese rrezikojnë mbylljen, ndërsa KEK po përballet me rënie të theksuar të prodhimit.
