Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në ditët në vazhdim, Haga pritet të bëhet adresë e personaliteteve të njohura ndërkombëtare, të cilët do të paraqiten si dëshmitarë të ekipit mbrojtës të ish-presidentit Hashim Thaçi në procesin e Gjykatës Speciale. Në listën e prezantuar përfshihen emra të rëndësishëm si Wesley Clark, William Walker, Bernard Kouchner, Daan W. Everts, Michael Durkee, Jock Covey dhe Steve Bennett. Këta figura kanë qenë në pozita të larta në NATO, OSBE, OKB dhe UNMIK gjatë periudhës së luftës dhe pasluftës në Kosovë, duke pasur ndërveprime të drejtpërdrejta me Thaçin. Mbrojtja ka theksuar se dëshmitë e tyre janë thelbësore, duke marrë parasysh moshën e shtyrë të shumicës – mes 77 dhe 88 vjeç – dhe rrezikun që ato të humbin për shkak të gjendjes shëndetësore. Si shembull, kujtohet humbja e dy dëshmitarëve të rëndësishëm, Madeleine Albright dhe Richard Holbrooke. Po ashtu, mbrojtja ka kërkuar kohë të mjaftueshme për pyetje, duke theksuar se procesi i dëgjimit të dëshmitarëve të Prokurorisë mund të zgjasë deri në 236 ditë, ndërsa mbrojtjes do t’i duhen 66 ditë për pyetjet shtesë. Aktualisht, rasti ndaj Thaçit dhe ish-eprorëve të UÇK-së është ende në fazë paragjyqësore, ndërsa deri tani kanë dëshmuar James Rubin dhe Paul Williams në favor të mbrojtjes.
