Filloi procesi i Dëgjimeve Buxhetore me pjesëmarrje

04/08/2025 Institucionet

Komuna e Deçanit organizoi takimin e parë publik në kuadër të procesit “Buxhetimi me Pjesëmarrje”.

Ky proces u nis me gratë e Komunës së Deçanit, duke theksuar rëndësinë e përfshirjes së tyre në vendimmarrjen lokale.

Për realizimin e një prej projekteve të propozuara nga gratë, janë planifikuar 35 mijë euro.

Prezantimin e buxhetit e bëri Drejtoresha për Buxhet dhe Financa, znj. Dafina Cacaj, e cila theksoi se buxhetimi me pjesëmarrje është një formë më demokratike dhe proaktive e hartimit të buxhetit. Kjo metodë u mundëson qytetarëve të marrin rol aktiv dhe të përfshihen drejtpërdrejt në vendimmarrjen komunale, duke vendosur përmes votimit të tyre për projektet që ata vetë i propozojnë.

Më 12 Gusht komuna ju fton të merrni pjesë në hapin e radhës të këtij procesi: votimin për projektin më të mirë.

Zgjedhja juaj ka rëndësi – ajo do të ndikojë drejtpërdrejt në projektet që do të përfshihen në buxhetin e vitit 2026, thuhet në njoftimin e komunës së Deçanit postuar në faqën zyrtare në facebook.

Kontrolloni gjithashtu

Komuna e Deçanit do të nisë për herë të dytë procesin e Buxhetimit me Pjesëmarrje për vitin 2026

Komuna e Deçanit njofton se do të nisë për herë të dytë procesin e Buxhetimit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara