Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në përvjetorin e 26-të të Çlirimit të Kosovës, rikujtohet një nga fjalimet më të rëndësishme të mbajtura nga një lider botëror për fatin e popullit shqiptar. Më 10 qershor 1999, Presidenti i Shteteve të Bashkuara, Bill Clinton, iu drejtua kombit amerikan dhe botës, për të shpallur përfundimin e sulmeve ajrore të NATO-s dhe nisjen e tërheqjes së forcave serbe nga Kosova, pas një fushate brutale të spastrimit etnik të udhëhequr nga regjimi i Sllobodan Millosheviqit. “Ushtria dhe policia serbe po tërhiqen nga Kosova. Një milion njerëz të dëbuar po përgatiten të kthehen në shtëpi,” deklaroi Clinton, duke e cilësuar operacionin si një “fitore për një botë më të sigurt dhe për vlerat demokratike”. “Në Kosovë bëmë gjënë e duhur; e bëmë në mënyrën e duhur; dhe do ta përfundojmë”, u shpreh ai. Ai vlerësoi kontributin e forcave të NATO-s. Clinton parashtroi qartë sfidat e ardhshme për ndërtimin e paqes: kthimin e refugjatëve, rindërtimin e Kosovës, sigurinë për të gjithë qytetarët – shqiptarë dhe serbë – dhe çmilitarizimin e Ushtrisë Çlirimtare të Kosovës. Ai njoftoi angazhimin e rreth 50,000 trupave të forcës ndërkombëtare paqeruajtëse, përfshirë 7,000 nga SHBA.
