Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Florent S. Maqkaj, djali i dëshmorit të kombit Selver Maqkaj, ka reaguar publikisht pas refuzimit të aplikimit të tij nga kompania publike “Hidroregjioni Jugor” për pozitën “inspektor-kontrollor”. Sipas tij, aplikimi u refuzua me arsyetimin “mungesë dokumentacioni – diploma e shkollës së mesme”, ndonëse kishte dorëzuar diplomën e fakultetit. Ai e ka cilësuar vendimin si të padrejtë dhe si vazhdim të një praktike të punësimeve përmes ndikimeve politike e familjare. “Unë me fakultet refuzohem, tjetri me shkollë të mesme ecën përpara. Krejt çka duhet në Kosovë është dikush i fortë që të të ndihmojë”, ka shkruar ai. Maqkaj gjithashtu kritikoi afatet e shkurtëra për ankesa dhe mënyrën si trajtohen aplikuesit në sektorin publik, duke thënë se padrejtësitë ndaj të rinjve dhe familjeve të dëshmorëve po vazhdojnë pa u ndalur.
