Kryetari i Komunës së Rahovecit, z. Smajl Latifi i shoqëruar nga nënkryetari, z. Fatmir Iska mirëpritën në takim komandantin e KFOR-it italian për Rajonin Perëndim, Kolonelin, Francesco Errico, me bashkëpunëtorët e tij.
Kryetari Latifi e uroi komandantin për detyrën e re, ndërsa temë diskutimi ishte situata e sigurisë si dhe forcimi i bashkëpunimit në përkrahjen e projekteve të ndryshëm për qytetarët e komunës së Rahovecit.
Kryetari Latifi ka falënderuar Kolonelin Errico për angazhimin në ruajtjen e paqes dhe të stabilitetit në Kosovë. Komuna e Rahovecit është e hapur për komunikim dhe për bashkëpunim për sigurinë dhe të mirën e përgjithshme, thuhet në postimin në facebook, të komunës së Rahovecit.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
