Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Ganimete Musliu, ka deklaruar se nëse ministrja e Drejtësisë Albulena Haxhiu, paraprakisht nuk iu kërkon falje publike, krerëve të UÇK-së, Hashim Thaçi e Kadri Veseli, që po mbahen në paraburgim në Hagë, kërkesa për t’u takuar me ta është e pakuptimtë dhe e padrejtë. Zonja Haxhiu duhet t’i kërkojë falje publike Hashim Thaçit e Kadri Veselit sepse i ka quajtur kriminelë. Pikërisht për këtë fakt nëse nuk kërkon paraprakisht falje publike, kërkesa për t’ i takuar krerët e UÇK-së është e padrejtë, ka saktësuar Deputetja Ganimete Musliu. Ministrja e Drejtësisë, Albulena Haxhiu, ka paralajmëruar një vizitë në Hagë për t’i takuar ish-krerët e UÇK-së. Ajo ka sqaruar se vizita do të realizohet në cilësi institucionale dhe jo në bazë partiake apo miqësore, dukë shfaqur interesim t’ i takojë edhe Hashim Thaçin e Kadri Veselin, të cilët gjatë vizitës së saj të mëhershme, nuk kanë pranuar të takohen me ministren Albulenë Haxhiu.
