Organizuar nga Komuna e Deçanit dhe Federata e Skitarisë së Kosovës, në Bjeshkët e Belegut të dielën u mbajtën gara e gjashtë tradicionale e skijimit “Kupa e Gjeravicës 2025”.
Sipas kryetarit të komunës së Deçanit, z. Bashkim Ramosaj, kjo garë dëshmoi rritjen e interesimit për sportet dimërore dhe potencialin e jashtëzakonshëm që ofrojnë bjeshkët e Deçanit për turizëm dhe skijim.
Le të vazhdojmë ta promovojmë këtë pasuri natyrore dhe sportive që e kemi – për më shumë vizitorë, më shumë aktivitete dhe më shumë zhvillim për vendin tonë, ka thënë kryetari i komunës së Deçanit, z. Bashkim Ramosaj.
Në këtë aktivitet prezent ishte edhe Kryetari i AAK-së, Ramush Haradinaj. Ai u shpreh i inkurajuar nga pjesëmarrja e madhe e qytetarëve dhe rritja e interesimit për sportet dimërore në vend.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
