Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Burime të Al-Xhaziras bëjnë të ditur se nga sulmet ajrore të aeroplanëve ushtarakë amerikanë, gjatë luftimeve të fundit në Ramadi të Irakut, janë vrarë rreth 350 pjesëtarë të armatosur të ISIS-it. Zëdhënësi i Komandës ushtarake amerikane në Bragdad, Steve Warren, ka deklaruar për gazatarët në Pentagon se në Ramadi kishte prej 600 deri në 1000 pjesëtarë të ISIS-it, prej kur ky qytet ishte pushtuar nga forcat e Kalifatit Islamik. Një epror i lartë amerikan ka deklaruar se forcat ushtaraka të Irakut janë shumë të ngathëta, por ne do t iu ndihmojmë në realizimin e qëllimeve të tyre. Ditë më pare gjatë luftimeve ishin vrarë 27 ushtarë irakianë në një përleshje me forcat e ISIS-it. Ashtu si zakonisht, edhe kësaj radhe nuk janë dhënë informata për pësimet e popullatës civile, pavërësisht se gjatë luftimeve nëpër qyete dhe vendbanime numri i civilëve të vrarë është shumë fish më i madh se sa ai i forcave ndërluftuese. Prej fillimit të luftës në Irak në vitin 2003, thuhet se janë vrarë më shumë se 1 milionë civilë irakianë sunitë dhe shiitë.
