Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Trupi Gjykues në rastin “Thaçi dhe të tjerët” ka refuzuar kërkesat për lirim të përkohshëm të ish-pjesëtarëve të Ushtrisë Çlirimtare të Kosovës, Kadri Veselit, Rexhep Selimit dhe Jakup Krasniqit. Kërkesat, të dorëzuara më 3 dhe 4 prill 2025, pas dëgjimit të dëshmitarëve të Prokurorisë, ishin të shoqëruara me garanci nga Policia e Kosovës për mbrojtjen e të akuzuarve gjatë periudhës së lirisë së përkohshme. Megjithatë, Prokuroria e Specializuar e vlerësoi Policinë e Kosovës si të paaftë për të zbatuar masat e kërkuara dhe të nevojshme për mbikëqyrjen e treshes. Vendimi i gjyqtarëve Charles Smith, Christoph Bardhe, Guenaël Mettraux dhe Fergal Gaynor ende nuk është bërë publik, por është përmendur në kërkesën e kryeprokurores Kimberly West për vazhdimin e paraburgimit të Kadri Veselit. Kjo është hera e dytë që Gjykata Speciale nuk i ka besuar Policisë së Kosovës për të siguruar të akuzuarit, pasi kërkesa e ngjashme e Kadri Veselit për lirim të përkohshëm ishte refuzuar edhe në vitin 2021.
