Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Themelore në Prishtinë ka refuzuar padinë e dorëzuar ndaj Zyrës së Rregullatorit për Energji që kishte për qëllim kundërshtimin e vendimit për shtrenjtimin e energjisë elektrike me 16.1 përqind. Lajmin e ka bërë të ditur avokati Ardian Bajraktari, duke paralajmëruar se çështja do të dërgohet në Gjykatën e Apelit. “Kam pranuar Aktvendimin e Gjykatës Themelore në Prishtinë, me të cilin refuzohet kërkesa për sigurimin e Padisë tonë ndaj ZRrE-së. Tashmë, gati është Ankesa për Gjykatën e Apelit ndaj këtij Aktvendimi. Beteja ligjore kundër vendimit të ZRrE-së për ngritjen e çmimit të energjisë vazhdon!”, ka shkruar Bajraktari. Vendimi për rritjen e tarifave të energjisë u mor nga ZRrE më 11 prill, duke parashikuar një shtrenjtim mesatar prej 16% për të gjitha kategoritë e konsumatorëve, me përjashtim të atyre që jetojnë në katër komunat veriore të vendit.
