Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryekuvendari, Glauk Konjufca, ka bërë të ditur se gjatë takimit me kryeministrin shqiptar, Edi Rama, ka biseduar me të edhe për propozimin që e ka bërë për statutin e Asociacionit. Sipas Konjufcës, Rama pretendon se statuti i propozuar në të është në përputhje me Kushtetutën e Kosovës, por, ai tha se atij i janë dukur disa elemente që çojnë në autonomi për serbët e Kosovës. “Ai pretendon që është në përputhje me Kushtetutën e Kosovës, por mua më janë dukur se elemente të caktuara të propozuara nga Rama përmbajnë autonomi territoriale për serbët e Kosovës dhe kjo është në kundërshtim të interesit të kombit shqiptar”, tha Konjufca. Më tej, ai tha se tri qëndrime të Shqipërisë, karshi Kosovës, e kanë dëmtuar këtë të fundit e të cilat janë: ideja e shkëmbimit territorial, ideja e “Ballkanit të Hapur” dhe tash është ky dallimi i tretë që po ashtu po e dëmton Kosovën.
