Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, e ka komentuar operacionin e djeshëm humanitar të FSK-së në veri të vendit.
Ai e ka kritikuar Vetëvendosjen për përpjekjen e saj për të politizuar këtë operacion.
Në profilin e tij në “Facebook”, Haradinaj ka shkruar se partia në pushtet po e anashkalon kontributin e aleatëve perëndimor që kanë ndihmuar në çlirimin dhe pavarësimin e Kosovës.
“Aleanca me NATO-n në krye me ShBA është qenësore për Kosovën. Vendimet e marrura në koordinim me aleatët tanë janë pashmangshëm në favor të shtetit tonë sovran dhe të ardhmes së tij. Hisedarët e shtetësisë së Kosovës nuk mund të anashkalohen, i jemi përjetësisht falënderues NATO-s dhe trupave të tyre të KFOR-it për angazhimin e vazhdueshëm në ngritjen e cilësisë dhe kapaciteteve tona ushtarake të FSK-së. Shpreh ngushëllimet e mia më të sinqerta familjes së qytetarit që humbi jetën në Liqenin e Ujmanit. Në këtë moment dhimbjeje, jemi pranë familjarëve dhe të afërmve të tij”, ka shkruar Haradinaj.
