Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj ka lëshuar takimin e sotëm pak para se të përfundojë. Në prononcimin për medie, ai ka thënë se në këtë takim ka kërkuar shpërbërjen e Kuvendit të Kosovës si dhe mbajtjen e zgjedhjeve të parakohshme. Sipas tij, kërkesa e opozitës është edhe zgjedhja e presidentit në mënyrë të drejtpërdrejtë. Haradinaj ka thënë se pret që të ketë reflektim nga pjesëmarrësit në takim në lidhje me qëndrimet e shprehura. “Kemi mungesë investimesh, rend dhe ligj të politizuar skajshmërisht. Edhe politika e jashtme dështuar. Vendi duhet të shkojë në zgjedhje dhe presidenti të shkojë në zgjedhje të drejtpërdrejta”, ka thënë veç të tjerash, Haradinaj. Ai, poashtu, ka deklaruar se opozita mbetet e bashkuar, duke ftuar që të shihen në protestën e 17 shkurtit.
