Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përshëndetja me zgjatje të duarve mes kryetarit të vendit, Hashim Thaçi dhe kryetarit të Prishtinës, Shpend Ahmeti, që për dikë mund të jetë dukur krejt e zakonshme dhe brenda mirësjelljes zyrtare, është kritikuar rëndshëm nga bashkëpartiakja e tij, deputetja Albulena Haxhiu. Duke iu referuar përshëndetjes mes Thaçit dhe Ahmetit gjatë ndeshjes basketbollistike mes Prishtinës dhe Pejës, deputetja e Vetëvendosjes nuk ka kursyer fjalët ‘kriminel’ e ‘tradhtar’ për kryetarin, Hashim Thaçi. “Shpendi dukej në siklet në ato fotografi të asaj situate të mbrëmshme. Pra, nuk dukej aspak i kënaqur. Por, mendoj që është dashur ta gjejë forcën e të mos ia japë dorën Thaçit. Ajo përshëndetje e ndihmon Thaçin. Thaçi është përgjegjësi kryesor për mjerimin ekonomik, politik e social në Kosovë. Është kriminel e tradhëtar”, thuhet në postimin e deputetes, Albulena Haxhiu.
