Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidatja për deputete nga LDK, Hykmete Bajrami, ka reaguar ndaj deklaratave të kryeministrit në detyrë, Albin Kurti, lidhur me dorëheqjet e anëtarëve të Qeverisë që janë zgjedhur deputetë. Bajrami ka theksuar se sipas Ligjit për Qeverinë, anëtarët e Qeverisë që fitojnë mandat deputeti duhet të japin dorëheqje nga pozitat e tyre para certifikimit të rezultateve zgjedhore. Kurti, përmes një postimi, ka deklaruar se nuk ka nevojë për dorëheqje, pasi sipas tij, Qeveria ka kaluar automatikisht në statusin e qeverisë në detyrë. Megjithatë, Bajrami ka kundërshtuar këtë interpretim, duke cituar nenin 26, paragrafi 1 të Ligjit Nr. 08/L-117 për Qeverinë, që shprehimisht kërkon dorëheqjen e anëtarëve të Qeverisë para certifikimit të rezultateve zgjedhore, nëse ata janë zgjedhur deputetë.
