Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Hykmete Bajrami, ka ngritur alarmin për krizën energjetike në vend, duke deklaruar se Kosova sot po importon rreth gjysmën e energjisë që konsumon. Bazuar në të dhënat zyrtare të KOSTT-it për datën 20 qershor 2025, Bajrami ka bërë të ditur se ngarkesa është 13,950 MW, ndërsa prodhimi vendor është vetëm 7,157 MW. Sipas saj, kjo gjendje është rezultat i dështimeve në menaxhimin e sektorit dhe i një “mafie energjetike” që përfiton nga ndërprerjet dhe defektet në prodhim. Bajrami thekson se brenda më pak se një muaji, tre blloqe të Termocentralit Kosova A kanë dalë jashtë funksionit: A3 më 19 qershor, A5 më 18 qershor dhe A4 në remont që nga 16 maji. Ajo thekson se këto defekte nuk janë përfshirë as në llogaritjet për rritjen e fundit të çmimit të energjisë prej 16.1%, e as në vendimin për përjashtimin e 1300 bizneseve nga furnizimi universal. Deputetja e LDK-së akuzon direkt Ministrinë e Ekonomisë, KEK-un, ZRrE-në dhe KOSTT-in për paaftësi dhe, sipas saj, për përfitime të qëllimshme në kurriz të qytetarëve, duke favorizuar kompanitë tregtare të energjisë si NOA dhe EFT e Vuk Hamoviqit. Ajo bën thirrje për hetime të menjëhershme nga Prokuroria ndaj asaj që e quan “mafie energjetike”.
