Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike të Kosovës (LDK), Hykmete Bajrami, ka reaguar ashpër pas raportimeve për parregullsi me fletëvotime në Mitrovicë, duke kërkuar hetim urgjent nga institucionet përgjegjëse. Bajrami tha se kushdo që ka guxuar të prekë vullnetin e qytetarëve duhet të përballet me drejtësinë. “Kushdo që ka prekur votat, kushdo që ka guxuar të prekë vullnetin e qytetarëve, e ka vendin në burg,” shkroi ajo, duke u bërë thirrje KQZ-së, Prokurorisë, Policisë dhe institucioneve të tjera ligjzbatuese të veprojnë pa vonesë për të sqaruar rastin. Ajo paralajmëroi se nuk duhet të trajtohet si “gabim teknik” një çështje që cenon besimin në procesin zgjedhor. “Askush nuk duhet të frikësohet nga zbardhja e së vërtetës. Procesi elektoral është lënduar dhe duhet sa më shpejt të ketë përgjigje dhe përgjegjësi,” theksoi Bajrami.
