Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës ka shoqëruar disa qytetarë serbë në Gazimestan, pasi gjatë manifestimit të Vidovdanit ata dyshohet se kanë kënduar këngë nacionaliste dhe kanë bërë thirrje si “Kosova është Serbi”. Sipas raportimeve, disa prej pjesëmarrësve mbanin flamuj dhe bluza me simbole provokuese. Pamjet nga momentet e shoqërimit janë publikuar nga fotoreporteri Visar Kadrolli, ndërsa Policia ende nuk ka dhënë një raport zyrtar lidhur me zhvillimet në vendngjarje. Ndryshe, në një komunikatë të lëshuar më herët të premten, Policia e Kosovës kishte njoftuar se janë ndërmarrë të gjitha masat e sigurisë për mbarëvajtjen e festimeve të Vidovdanit, që zakonisht përcillen me tensione dhe provokime.
