Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Kosovës, Isa Mustafa, duke folur për mbledhjen e Këshillit të Sigurimit të OKB-së ka thënë se për herë të parë Kosova është futur në një thes me Serbinë., pasi Kosova mori kritika nga aleatët perëndimorë. Ai ka treguar pikat në të cilat është kritikuar Kosova, pasi askush nuk i ka përkrahur qëndrimet dhe sjelljet e ngatërrestarëve të pushtetit. “Në Nju-Jork mund të veçohen tre qëndrime të qarta të aleatëve të deritanishëm. U kritikua fort mënyra sesi Kosova ka vepruar në heqjen e dinarit serb; u kritikua ashpër Serbia për veprimet paramilitare në Banjskë dhe u tha qartë nga ShBA se KS i OKB nuk është vendi që Kosova dhe Serbia i zgjidhin mosmarrëveshjet e tyre, por është BE. Askush nuk përkrahu qëndrimet dhe sjelljet e ngatrresarëve! Ne mund të themi çfarë të duam, por me rëndësi është çfarë thanë aleatët tanë: ShBA, Mbretëria e Bashkuar dhe Franca. Ata për herë të parë na futën në një thes me Serbinë, ka saktësuar, Ish-kryeministri i Kosovës, Isa Mustafa.
