Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-këshilltari i posaçëm Jack Smith pritet të merret në pyetje nga Komiteti Gjyqësor i Dhomës së Përfaqësuesve, në kuadër të hetimeve republikane mbi ndjekjet penale federale ndaj presidentit Donald Trump, të cilat cilësohen si të motivuara politikisht. Thirrja është lëshuar nga kryetari i komitetit, republikani Jim Jordan, i cili ka kërkuar dëshmi me dyer të mbyllura më 17 dhjetor dhe dorëzim dokumentesh lidhur me punën e Zyrës së Këshilltarit të Posaçëm. Avokati i Smithit ka konfirmuar se ai do t’i bindet thirrjes. Komiteti po heton mbi 40 akuza federale të ngritura ndaj Trumpit në dy raste të ndara, të cilat presidenti i ka quajtur “gjueti shtrigash”. Të dy proceset u mbyllën pasi Trump fitoi mandatin e dytë në zgjedhjet e nëntorit 2024. Me rikthimin e Trumpit në Shtëpinë e Bardhë dhe kontrollin republikan të Kongresit, Smith është kthyer vetë në objekt hetimesh dhe sulmesh politike. Smith ka qenë më herët kryeprokuror edhe në Gjykatën Speciale në Hagë ndaj krerëve të UÇK-së, duke nxitur akuza për veprime politike. Veçanërisht e kontestuar mbetet aktakuza ndaj Hashim Thaçit dhe Kadri Veselit, e shpallur në ditën kur Thaçi po udhëtonte drejt Uashingtonit për takime në Shtëpinë e Bardhë.
