Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Kuvendit të Kosovës, Jakup Krasniqi, duke analizuar zhvillimet e pafavorshme politike në vend ka shkruar se kompromisi i dhimbshëm u bë me kërkesën e ndërkombëtareve dhe u pranua për hir të pavarësisë së mbikëqyrur. Por, sado e madhe ishte mbështetja, ajo nuk e bënë pavarësinë, projekt të ndërkombëtarëve. Krasniqi ka shkruar se kështu si po rrjedhin gjërat, shqiptarëve po iu mbetet vetëm një zgjidhje, Bashkimi Kombëtar. Ka kohë që analistë e pacifistë të ndryshëm nuk ngurojnë të thonë: “Pavarësia e Kosovës është Projekt i ndërkombëtarëve”. Me ketë mënyrë të menduarit, jo vetëm që mohohet përpjekja shekullore e popullit tonë për liri, për gjuhë e komb, për shtet e bashkim kombëtar, por, janë duke e mohuar edhe përgjegjësinë dhe obligimin tonë për të ndërtuar shtetin e së drejtës, shtetin e zhvilluar e të mirëqenies dhe shtetin e dijes e të drejtësisë sociale, ka thënë mes tjerash, ish kryekuvendari, Krasniqi.
