Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për deputet nga radhët e Partisë Demokratike të Kosovës, Jakup Nura, ka rikujtuar pranverën e vitit 1993 në Drenas, të cilën e cilësoi si periudhë të njërit prej aksioneve më të suksesshme të Ushtrisë Çlirimtare të Kosovës. Nura ka vizituar vendin ku, së bashku me bashkëluftëtarët e tij, ishte pozicionuar gjatë aksionit kundër forcave pushtuese. Ai kujtoi momentet kur, bashkë me luftëtarë të njohur të UÇK-së si Rafet Rama, Adem Nura, Ilaz Kodra dhe Sami Lushtaku, prisnin përballjen me armikun. “Në këtë pozicion isha unë, duke i udhëzuar shokët që të mos shtinin derisa të shkrepte arma ime. Në pritje të forcave pushtuese, nën zë u betova për gjakun e Jusuf Gërvallës, Bardhoshit, Kadri Zekës, Rexhep Malit, Nuhi Berishës, Fahri Fazliut dhe Afrim Zhitisë. Për gjakun e këtyre djemve që i keni vrarë këtu, pritni plumbat tanë – nuk do të ndalemi deri në çlirimin e Kosovës”, ka rrëfyer Nura. Kujtimi i këtyre ngjarjeve vjen në prag të zgjedhjeve të jashtëzakonshme parlamentare që do të mbahen të dielën, më 28 dhjetor, pas një bllokade politike 10-mujore. Në zgjedhjet e fundit të mbajtura në shkurt, Lëvizja Vetëvendosje doli parti e parë, por nuk arriti të formojë qeverinë.
