Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari amerikan, Joe Biden, shprehet i gatshëm të bisedojë me kryetarin rus, Vladimir Putin nëse ai nis rrugën për t’i dhënë fund luftës në Ukrainë. Biden, mbajti një konferencë të përbashkët për shtyp pas takimit me kryetarin francez Emmanuel Macron, i cili bëri vizitën e tij të parë shtetërore” në Shtetet e Bashkuara gjatë presidencës së tij. Në fjalimet e tyre, të dy liderët deklaruan se një nga pikat kryesore të agjendës së takimit ishte lufta Rusi-Ukrainë dhe se do të vazhdojnë t’i japin ndihmë Ukrainës. Duke thënë se e vetmja mënyrë racionale për t’i dhënë fund luftës është që Putini të tërheqë trupat e tij nga Ukraina, Biden deklaroi: “Putini paguan një çmim të rëndë duke mos zgjedhur këtë rrugë. Në të njëjtën kohë, ai po shkakton shkatërrim të madh në Ukrainë”. Duke theksuar se nuk ka ndërmend të kontaktojë me Putinin, Biden tha: Unë jam gati të flas me Putinin nëse ai është i gatshëm të marrë vendim për t’i dhënë fund luftës. Megjithatë, ai ende nuk është në një rrugë të tillë. Unë shoh se çfarë po ndodh.
