Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Suedisë në Kosovë, Jonas Westerlund, në një intervistë ekskluzive për emisionin “Gazeta”, ka folur për situatën në veri të vendit, duke e cilësuar atë si të ndërlikuar dhe me episode të përsëritura incidentesh. Ai theksoi rëndësinë e zgjedhjeve lokale që pritet të mbahen në vjeshtë, duke shprehur shpresën se ato do të sjellin kryetarë komunash me legjitimitet dhe mbështetje nga popullata lokale. “Pjesëmarrja në zgjedhje është thelbësore në çdo demokraci. Nëse nuk merr pjesë, nuk mund të ankohesh për mungesën e politikanëve të duhur,” u shpreh Westerlund. Ai shtoi se është e rëndësishme që në institucionet lokale të rikthehen gjyqtarët, prokurorët dhe oficerët e policisë nga radhët e shumicës së komunitetit lokal, si një hap drejt normalizimit dhe funksionalitetit të plotë institucional në atë pjesë të vendit.
