Jusuf Zenunaj; PËR KUVEND E QEVERI

12/09/2014 Kultura

Tema të tjera...

PËR KUVEND E QEVERI

Në luftë bashkë,

n ‘ liri të ndarë

kush në vend të dalë i parë,

ndërmjet dreqi u ka hy

për kuvend e qeveri.

Njëri grup thotë e kam numrin,

as të dytin s’ e zë gjumi

si t ‘ kish dro se e mori lumi,

Kushtetuta n’ krahun tim

për kuvend e qeverinë,

Populli anash bën sehir

me shpresë të kotë

për ditë ma t’mirë,

për Bajram ca miell në shoshë,

për Kërshëndella sofra bosh.

8 tetor 2014

Jusuf Zenunaj: E SOT, IMI, I MIRI ATDHE?

Prej pushkëve të lirisë t’ Adem e Hamëz Jasharit
armiku u çmend, dogj fusha e malin,
preu pleq e fëmijë e nëna shtatzëna
deri n’kup t’ qiellit dëgjoheshin vaji e gjëma
Kur gjêma e vaji e pushtuan atdheun
kushtrimi u dha si n’kohë t’ Skënderbeut
prej ramjes së muzgut e derisa zbardhi dita
malet u mbushen me mijëra djem e çika
nga e gjithë Europa edhe Amerika
prej Zelandës së Re e tek Australia
nê luftê me shkja e gjithê shqiptaria
mbas lum-gjakut rrezatoi liria.
Mbi lot e tharë e buzët e përgjakura
hijeshi morën si dita edhe nata.
Nê tokën e shkrumbuar mbin gjethe e bar,
Dardania e vjetër filloi frymë të marrë.
Për miq e armiq u shtrua sofra !?
…ilaç e pelim sollën nga e gjithë bota
e sot imi, i miri atdhe
me vetveten punët si ke ?!