Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka filluar afati ligjor kur kryetarja Vjosa Osmani mund të shpallë zgjedhjet e rregullta parlamentare. Pas dërgimit të ftesës për liderët e partive politike që t’i takojë më 31 korrik për konsultime për caktimin e datës së zgjedhjeve, mundësia më e madhe e mbajtjes së tyre po shihet fundi i muajit janar apo fillimi i muajit shkurt 2025. Ftesën e kanë konfirmuar partitë politike, derisa edhe shprehën të gatshme për zgjedhje parlamentare. Monitoruesit e zgjedhjeve kërkojnë nga presidentja që t’i shpallë zgjedhjet dhe të caktojë datën sa më herët që është e mundshme, në mënyrë që KQZ-ja, të ketë kohën e mjaftueshme në dispozicion për përgatitjen sa më të mirë të procesit zgjedhor, duke ditur edhe ndryshimet ligjore që janë bërë. Në partinë Vetëvendosje, thonë se janë të gatshëm për zgjedhjet e reja parlamentare. Zëdhënësi i LDK-së, Besian Mustafa përmes një përgjigje me shkrim bëri të ditur se kryetari Lumir Abdixhiku do t’i përgjigjet pozitivisht. Deputetja e AAK-së, Time Kadrijaj, thotë se kryetarja, Vjosa Osmani në muajin gusht duhet të caktojë datën e zgjedhjeve me dakordimin edhe të partive politike.
