Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-nënkryetari i Gjykatës Kushtetuese të Kosovës, Kadri Kryeziu, ka theksuar se deputetët e betuar nuk mund të konsiderohen si deputetë të plotë deri sa Kuvendi i Kosovës të konstituohet. Ai ka shpjeguar se ata janë ende në fazën e “tentativës” dhe nuk kanë asnjë detyrë efektive deri në konstituimin formalisht të Parlamentit. Sipas Kryeziut, deputetët janë legjitimë vetëm pasi Kuvendi të mblidhet dhe të realizohet procesi i konstituimit. Kryeziu ka përmendur gjithashtu të drejtën e presidentes Vjosa Osmani për të kërkuar interpretimin e Kushtetutës nga Gjykata Kushtetuese. Ai ka sqaruar se presidentja ka të drejtë të bëjë një kërkesë në rast se ka dyshime për shkelje të mundshme të Kushtetutës gjatë procedurave të krijimit të institucioneve të reja. “Gjykata Kushtetuese mund të pranojë kërkesa vetëm nga palët e autorizuara me ligj, si grupet parlamentare dhe deputetët, jo partitë politike”, ka theksuar Kryeziu.
